Una muyer resultó mancada en sufriendo una cayida cuando baxaba d’Ariu, en Cangues d’Onís. L’afectada, que presentaba una quebra abierta de tibia, foi sacupada al Hospital Comarcal de Les Arriondes pol Grupu de Rescate de Bomberos del Serviciu d’Emerxencies del Principáu d’Asturies (SEPA), a bordu del helicópteru medicalizado del organismu autónomu.
El Centru de Coordinación d’Emerxencies recibió l’avisu a les 16:17 hores. Na llamada indicóse qu’una muyer que taba faciendo una ruta ente los Llagos de Cuadonga y l’abelugu de Vega d’Ariu sufriera una cayida y creíen que podía tener una quebra nuna pierna. De momentu movilizóse al Grupu de Rescate de Bomberos del SEPA, a bordu de l’aeronave medicalizada.
L’equipu de rescate alcontró a la senderista percima de la zona de Les Bobias. La muyer baxaba d’Ariu cuando trió una piedra moyada, esnidió y cayó. N’aportando hasta l’afectada, el médicu-rescatador del grupu dio en la inmovilización de la escursionista y una vegada na camiya dar en el so izado al helicópteru por aciu una operación de grúa. De siguío sacupóse al Hospital Comarcal de Les Arriondes.
L’equipu de rescate dio per rematada la intervención a la so llegada a base, a les 18:32 hores.