El martes 26 de setiembre, celébrase’l día Européu de les Llingües. Una iniciativa del Conseyu d’Europa que celebra dende’l añu 2001 esta xornada que tien como oxetivu promover la riqueza de la diversidá llingüística y cultural d’Europa qu’hemos preservar, curiar y potenciar.
Aprovechando esta xornada va presentase’l Concursu de rellatu curtiu «Qué guapo ye querese», organizáu pola Oficina de Normalización Llingüística y el Conseyu de la Moceda de Xixón.
Nel actu, que va tener llugar el martes 26 de setiembre a les 12:30 hores na sala de conferencies del Centru de Cultura Antiguu Institutu, van tar presentes la Conceyala d’Educación y Cultura, Monserrat López Moro, el Presidente del Conseyu de la Moceda de Xixón, Álvaro Granda Cañedo, la Direutora de la Fundación Municipal de Cultura, Raquel Huergo Rodríguez y la Responsable de la Oficina de Normalización Llingüística, Mª Xosé Rodríguez López.