L’Executivu autorizó la firma d’un conveniu ente la Conseyería de Sanidá y la Federación Asturiana de Conceyos (FACC) pal desenvolvimientu de les actividaes de la Rede de Conceyos Saludables, un grupu de conceyos comenenciudos en fomentar les nueves iniciatives sobro xestión de la salú pública que va recibir ayudes per valor de 38.000 euros pal so desenvolvimientu.
L’oxetivu principal de la Rede de Conceyos Saludables ye la promoción y protección de la salú y al bienestar de la ciudadanía nel ámbitu local, en concordanza colos principios d’actuación correspondientes al proyectu HealthyCities, de la Organización Mundial de la Salú.
La Rede de Conceyos Saludables ye xuna sección más dientro de la Federación Asturiana de Conceyos (FACC), que foi creada en 2006 tres la firma del conveniu cola entós Conseyería de Salú y Servicios Sanitarios.