Gaspar Llamazares, voceru parlamentariu d’IX na Xunta Xeneral, apura a un Pactu pola Investigación y pola Ciencia n’Asturies. Ye necesariu, al so xuiciu, pol gran malestar de los mozos investigadores xustificáu pol retrasu de les sos beques y tamién porque hai malestar en relación a los grupos d’investigación y el financiamientu de los mesmos, esplica’l voceru d’IX. Llamazares señala qu’al pie de esti malestar tamién hai mires, como son les del CINN (Centru d’Investigación en Nanomateriales y Nanotecnología), que plantega ampliar les sos instalaciones.
Para Llamazares ye necesariu ordenar y dar respuesta a toes estes demandes por aciu un Pactu pola Investigación qu’entaíne la xestión de les beques, ameyore los proyectos y de respuesta a les iniciatives que se tán produciendo n’investigación con un plan al mediu plazu que de seguridá a los grupos d’investigación.