El Gobiernu aprobó’l decretu pol que se regula la enseñanza de llingües estranxeres de les Escueles Oficiales d’Idiomes del Principáu y se adecua el currículu al marcu normativu actual. Cola nueva ordenación l’A1 y el A2 van concentrase, como hasta agora, nun únicu cursu cada unu. Otramiente, el B1 y el B2 siguirán impartiéndose nun total de cuatro cursos, dos per caúnu. Sicasí, el C1 pasa d’un cursu a dos.
Otra de les principales novedaes qu’implica esti cambéu ye qu’a partir del añu académicu 2020-2021 les escueles van ufiertar per primer vegada’l C2, el máximu nivel reconocíu nel Marcu Européu de Referencia para les Llingües, con una duración d’un cursu.
Esta nueva estructura de les enseñances pon de relieve l’esfuerzu inversor del Gobiernu d’Asturies, yá que establez una duración de 120 hores lectives per cada cursu, lo que supon un aumentu total de 300 respectu al plan d’estudios anterior.
Amás, los centros van ufiertar cursos para l’actualización, perfeccionamiento y especialización de competencies en llingües estranxeres empobinaos al profesoráu y, polo xeneral, a persones adultes con necesidaes específiques.