La conseyera de Bienestar Social y Vivienda del Principáu, Esther Díaz, apurrió güei les llaves de nueve viviendes de promoción pública (VPP) p’arriendu en Corvera. Nel actu, que se celebró nel Centru Sociocultural de Les Vegues, tamién participaron la directora xeneral de Vivienda, Ana Rivas, el xerente de Vipasa, Jesús García, y l’alcalde del conceyu, Iván Fernández.
El Principáu invirtió daqué más de 29.000 euros nel arreglu de les viviendes allugaes en Entrevías y Los Campos. Cuatro d’elles hanse rehabilitáu gracies al conveniu de collaboración suscritu por Vipasa y el Conceyu de Corvera.
Los pisos tienen ente unu y tres dormitorio, con una superficie útil que bazcuya ente los 37,70 y los 73,15 metros cuadraos. Ocho d’ellos cunten amás con trasteru.
A la convocatoria pa l’axudicación de les viviendes presentáronse 92 solicitúes y fueron almitíes 82. La renta de los pisos va afacer a les circunstancies económiques de cada familia axudicataria.