El conseyeru d’Educación y Cultura, Genaro Alonso, destacó güei la importancia de les llingües como vehículu de tresmisión de la conocencia, mientres la inauguración de la VII Fiesta de les Llingües nel Colexu Públicu d’Educación Básica (CPEB) Aurelio Menéndez, en Ibias.
“Esta actividá demuestra que pa les llingües nun hai fronteres y que dende’l suroccidente asturianu puede mirase a toes partes. Por eso paecióme realmente importante’l conteníu d’esta actividá, porque supon baltar fronteres, tresmitir conocencies, falar y entederse con tol mundu”, señaló.
El titular d’Educación valoró la importancia de tresmitir les llingües y les cultures a elles acomuñaes. “Ye un fechu relevante non solo pa esti centru, sinón pa toles comunidaes educatives invitaes a participar, especialmente les de Portugal”, indicó