El Conceyu de Corvera abrió’l plazu d’inscripción pal “Cursu Avanzáu de Llingua Asturiana”, que les sos sesiones van empezar el próximu día 14 d’ochobre. Hasta esi día, la población adulta comenenciuda va poder inscribise nél nos rexistros municipales.
El cursu “pretende ser un mecanismu de profundización na conocencia y aprendizaxe de la gramática asturiana y otres cuestiones del idioma pero tamién una manera d’averase a la cultura asturiana”, esplicó al respective Edita Varela, Concejala de Cultura del Conceyu de Corvera quién tamién recordó que, al añu, “el Conceyu entama unes 2.600 hores d’actividaes de formación y entretenimientu pa tolos vecinos y vecines del conceyu, con calter gratuitu”.
Nesti casu, el cursu va ser impartíu pol técnicu responsable del Serviciu de Normalización Llingüística de Corvera. Dichu cursu, de calter gratuitu y con una duración de veinte hores, va desenvolver en sesiones de dos hores tolos miércoles, n’horariu de 18 a 20 hores. Les sesiones del cursu van realizar na Aula 2 del Centru Sociocultural de Les Vegues/-yos Vegues.