La Conseyería d’Educación y Cultura del Principáu publicó güei en Educastur l’axudicación definitiva d’aspirantes a interinidá para’l cursu 2018-2019, dientro de la provisión de places de calter temporal.
Nesta primer cita axudicáronse, principalmente, places vacantes, a les que se añedir otres derivaes de sustituciones, puestos de lliberaciones sindicales y otres situaciones temporales.
Del total de vacantes, 1.815 son para maestros y el restu, para los demás cuerpos docentes, principalmente profesores d’Enseñanza Secundaria y Formación Profesional.
La conseyería realizó un importante esfuerzu de planificación nesta primer convocatoria partiendo de les necesidaes de profesoráu comunicaes pelos centros y les conocíes pola planificación educativa y de matrícules, incluyendo toles places vacantes a fecha de la convocatoria.
El personal güei axudicáu va empezar la so actividá nos centros a partir del 3 de setiembre. Les actividaes lectives van empezar el 10 de setiembre n’Infantil y Primaria y el 14 de setiembre en Secundaria.