El Salón de Té del Teatru Campoamor (Uviéu) va acoyer el martes 1 de marzu la I Xornada d’Edición n’Asturianu, na que van participar representantes de los distintos sectores venccon eyaos al mundu del llibru: editores, llibreros, distribuidores, bibliotecarios, etc.
Les sesiones de trabayu van empezar a les 17.00 hores cola intervención del director xeneral de Planificación Llingüística y Normalización, que facilitará los datos sobre la edición n’asturianu nos últimos años. De siguío van entamar dos meses redondes, moderaes pola escritora y periodista Ana Vanessa Gutiérrez, «Los caminos de la edición. ¿Qué pasa col llibru n’asturianu?» y «L’arte d’editar n’asturianu en 2017. Perspectives», que van cuntar con representantes de distintes editoriales asturianes, l’Asociación de Llibreríes del Principáu d’Asturies, la Rede de Biblioteques Públiques d’Asturies, les empreses de distribución y los medios de comunicación.