Connect with us

Noticies

50.000 euros para’l programa “Asturies, compromisu solidariu”

Publicado

el

El Principáu autorizó la firma d’un conveniu de collaboración cola Federación Asturiana de Conceyos (FACC), dotáu con 50.000 euros, para dar continuidá al Programa Asturies, compromisu solidariu, que se desenvuelve dende va seis años en collaboración colos conceyos. El proyectu ye unu de los más significativos en materia de sensibilización y educación para’l desenvolvimientu, porque fomenta la participación de la sociedá y espubliza valores para la construcción d’un mundu más xustu igualitariu.

Dende la so puesta en marcha, dexó a los conceyos entamar xornaes, alcuentros, campañes y otres actividaes rellacionaes coles persones abelugaes y les polítiques d’asilu, los derechos humanos, el comerciu xustu y la situación de la infancia y la mocedá en países en desenvolvimientu. L’añu pasáu realizáronse más de 80 acciones en 40 conceyos y mancomunidaes como foros, conferencies, esposiciones y actos informativos y de sensibilización, rellacionaos principalmente cola sostenibilidá, la soberanía alimentaria y la promoción de los derechos individuales y colectivos.

La nueva edición del programa contempla la realización d’acciones venceyaes a la promoción de los Oxetivos de Desenvolvimientu Sostenible y l’Axenda 2030 de Naciones Xuníes, con especial atención al papel de los gobiernos locales na consecución d’una sociedá más sostenible y a la situación de los derechos humanos y de la muyer como motor de cambéu.

Advertisement

LO MÁS VISTO !!