(EUROPA PRESS) El xuez de l’Audiencia Nacional Eloy Velasco dictó l’ingresu en prisión incondicional y sin fianza pal presuntu miembru ‘llegal’ d’ETA Tomás Madina Etxebarria, al qu’acusa d’un delitu de pertenencia y conspiración p’asesinar al ex lehendakari socialista Patxi López, informaron fontes xurídiques.
El maxistráu sospecha que’l deteníu planiaba asesinar al ex lehendakari mientres la so presencia nun homenaxe celebráu en memoria del inspector de policía asesináu en xunu del 2009, Eduardo Puelles. Al presuntu miembru llegal de la banda confiscóse-y una mira telescópica que nun encaxaba nes trés escopetes prindaes y que podría corresponder a una nueva arma, añadieron les mesmes fontes.
Madina, deteníu na madrugada del pasáu llunes al martes na so casa de Galdakao (Bizkaia), ye un espertu cazador y tirador y contaba con esperiencia nel usu d’armes llargues que s’emplegaríen pa cometer los asesinatos (fusil con mira telescópica). Les fontes consultaes por Europa Press indiquen que Madina alquirió esta práctica posiblemente mientres el serviciu militar que realizó nel Cuerpu d’Infantería de Marina.
El presuntu miembru llegal d’ETA negóse a declarar y denunció ante’l maxistráu malos tratos sufríos mientres el so treslláu a Madrid y posterior arrestu en dependencies policiales. Velasco remiitó la denuncia a los Xulgaos de Plaza Castilla.
