(EUROPA PRESS) La diputada na Xunta Xeneral y miembru de Foru na Comisión de la Investigación sobre’l funcionamientu, la xestión y el desarrollu del Centru Nimeyer, Carmen Fernández, manifestó esti xueves que «ye innegable que’l Niemeyer foi un proyectu personal del expresidente del Principáu, Vicente Álvarez Areces y el PSOE, desarrolláu baxo alministraciones socialistes, polo que les responsabilidaes polítiques lléndense a esos impulsores y xestores del espilfarru y de la total falta de respetu pola llei».
Fernández recordó que «l’escándalu na xestión del centru Niemeyer conociéronlo los asturianos gracies a que se produxo un cambiu de gobiernu n’Asturies, y a que Foru s’empeñó en poner lluz sobre l’absolutu ocultamientu qu’arrodiaba a la Fundación Niemeyer, con una oposición atayante de los dos principales partíos de la oposición, el PP y el PSOE».
La diputada anunció que dende’l so grupu parlamentariu «nun van facer valoraciones precipitaes, porque ye un informe estensu» y aseguró que vamos «estudialu con rigor y el Grupu Parlamentariu enmendará lo qu’estime necesariu».
«En cuanto al dictame, hai que señalar que ye un puntu de partida», destaca Fernández, que celebra que «el presidente de la Comisión rectificara y traxera un puntu de partida y non un papelín como’l que traxo va unos meses».