(EUROPA PRESS) L’aspirante a la Secretaría Xeneral del PSOE Eduardo Madina sorrayó esti vienres que la carrera pola Secretaría Xeneral del PSOE «nun ye una competición d’avales», ante les noticies de que’l so rival Pedro Sánchez pue presentar güei un númberu muncho más eleváu qu’él.
La candidatura de Madina presentó esti xueves unos 15.000 avales de militantes del PSOE, 5.000 más de los 10.000 necesarios pa que lu proclamen candidatu a la Secretaría Xeneral. Madina dixo que foi «un honor recibir eses firmes, de militantes que lo ficieron de forma llibre, sin que naide los presionara pa que firmen esos avales».
En declaraciones a Los Almuerzos de TVE recoyíos per Europa Press, Madina aseguró que siguen llegando avales pa la so candidatura y que güei’l so equipu va presentar más.
Con too, dixo que la cuestión del númberu d’avales forma parte de los intereses» de los congresos, pero qu’ésta «nun ye una competición d’avales», sinón un congresu nel que van votar «los militantes» y nel que lo qu’importa «ye la participación». «Si esto sal bien, vien pa quedar», dixo.
