(EUROPA PRESS) El Plenu de la Sala de lo Penal de l’Audiencia Nacional acordó por nueve votos contra siete archivar les dos causes que se siguíen contra’l Gobiernu de China pol xenocidiu y les tortures que se cometeríen nel Tíbet y la represión contra los miembros del grupu Falun Gong, informaron fontes xurídiques.
La mayoría de los 16 maxistraos d’esti órganu, superior xerárquicamente a los xueces instructores, adoptaron esta midida argumentando qu’estos dos procedimientos nun cumplen los requisitos qu’estableció’l Congresu na reforma del artículu 23 de la Llei Orgánica del Poder Xudicial (LOPX), que llendó la xusticia universal.
En contra de lo establecío pola nuevu llexislación, les dos causes dirixéronse contra persones que nun tienen la nacionalidá española, que nun residen davezu n’España y a los que nunca se refugó la so estradición per parte de les autoridaes nacionales.
