El Gobiernu dio’l so vistu bonu a un conveniu de collaboración ente la conseyería de Sanidá y el conceyu de Mieres pa sostener el funcionamientu d’un centru de día pa drogodependientes.
Con esti oxetivu, Sanidá va conceder anguaño al conceyu una subvención de 95.000 euros. El costu restante va ser asumíu pol consistoriu.
El centru de día, que tien de tener una capacidá mínima de 15 places, suma mediu centenar d’usuarios de la contorna del Caudal.
