El Conseyu de Gobiernu autorizó un gastu tresañal de 1.382.272,270 euros pa llevar a cabu la campaña añal de meyora de la señalización na rede autonómica de carreteres. Con esti dineru repondránse les señales verticales que tean deterioraes y se repintarán les marques viales horizontales, que se van borrando col usu y poles condiciones meteorolóxiques adverses.
Nesti exerciciu tán previstes intervenciones en carreteres de 64 conceyos. En concretu se repintarán marques viales en 783 kilómetros de pavimentu de 81 carreteres y van instalase señales en 67 víes rexonales. El plazu d’execución ye de cinco meses.
Estes actuaciones complementen los trabayos de caltenimientu ordinariu que desenvuelve mientres tol añu l’añu’l personal de la dirección xeneral d’Infraestructures col fin de favorecer la seguridá vial y facilitar una circulación cómoda.
Los conceyos afectaos poles obres son los siguientes: Ayande, Amieva, Avilés, Boal, Cabrales, Candamo, Cangas, Cangues d’Onís, Cabranes , Carreño, Casu , Castrillón, Coaña, Colunga, Corvera d’Asturies, Cuideiru, Degaña, El Franco, Grandas de Salime, Xixón, Gozón, Grau, Ibias, Illas, Llangréu, Les Regueres, Llaviana, L.lena, Llanera, Llanes, Mieres del Camín, Morcín, Nava, Navia, Noreña, Onís, Uviéu, Peñamellera Alta, Peñamellera Baxa, Pezós, Piloña , Ponga, Proaza, La Ribera, Ribedeva, Ribesella, Riosa, Salas, San Martín d’Ozcos, SMRA, Santo Adriano, Santiso d’Abres, Santalla d’Ozcos, Sariegu, Siero, Sobrescobiu, Tapia de Casariego, Teberga, Vilanova d’Ozcos, Villaviciosa, Villayón, Salas, Tinéu, Valdés..