El Conseyu de Gobiernu autorizó la concesión d’una subvención de 5.000 euros al Conseyu Local de la Mocedá de Xixón y d’otra de la mesma cuantía al Conseyu Local de la Mocedá d’Uviéu pa sufragar los sos gastos de funcionamientu y actividaes mientres anguaño.
El Principáu apuesta por un modelu nel que les asociaciones y federaciones de moces, al traviés de los sos conseyos local y autonómicu, cunten con recursos abondos pa favorecer la participación xuvenil y realizar actividaes formatives, d’ocupación del tiempu llibre y prestación de servicios.
La Conseyería de Presidencia considera fundamental el trabayu que realicen los conseyos pa xenerar texíu asociativo ya impulsar la participación social de la mocedá. Por esta razón, el Gobiernu autonómicu sofita’l so llabor con partíes que-yos dexen siguir desenvolviendo los sos oxetivos. Nesti sentíu, l’Institutu Asturianu de la Muyer destina anguaño 460.000 euros, el 52% del creitu del que dispon pa tresferencies corrientes, al fomentu de la participación xuvenil.
Esta realidá oldea cola d’otres comunidaes como Galicia, Cantabria, Aragón, Murcia, Madrid o Baleares, nes que los conseyos autonómicos de la mocedá sumieron por falta de financiamientu y sofitu institucional, lo mesmo qu’asocedió col Conseyu de la Mocedá d’España.
