(EUROPA PRESS) La presidenta del PP d’Asturies, Mercedes Fernández, manifestó que va aprovechar la reforma fiscal ellaborada pol ministru de Facienda, Cristobal Montoro, pa pidi-y «una vez más» al presidente del Principáu, Javier Fernández, que «baxe la carga fiscal de los contribuyentes asturianos».
Asina se manifestó, Mercedes Fernández en participando na xunta del Comité Executivu Nacional del PP na sede de los ‘populares’ de la cai Génova, en Madrid.
Fernández señaló que’l PP d’Asturies apoya dafechu la reforma fiscal de Montoro pola que «una bona parte de los españoles van pagar menos impuestos». «Esta midida va suponer que 9.000 millones d’euros pasen de les arques públiques a los bolsos de los contribuyentes», añade.
Señaló que’l presidente del PP y del Gobiernu d’España, Mariano Rajoy, valoró la situación económica del país faciendo una repasada dende que llegó al poder hasta’l día de güei, nuna etapa na que «hubo que remontar grandes dificultaes que se llograron satisfactoriamente», caltién.
Nesti sen, avanzó que’l PP va entamar una Escuela de Branu en Madrid pa pasar revista les propuestes del próximu cursu y pa facer un balance d’esti añu, col enfotu de «siguir siendo’l partíu de referencia pa la mayoría de los españoles».
Tocantes a la financiación autonómica, Mercedes Fernández señaló que l’oxetivu pal PP d’Asturies ye que’l Gobiernu asturianu, nun pierda, que se caltenga o que consiga meyores posiciones. «Por ellos repitimos tol nuesu apoyu nesti sen a la conseyera del Principáu», añadió.