(EUROPA PRESS) Los Mossos d’Esquadra investiguen una agresión racista asocedida nel Metro de Barcelona, grabada en videu y colgada en ‘Youtube’. Asina lo esplicaron a Europa Press fontes de la policía catalana.
Na grabación, pue vese como un mozu rubiu cola cara pixelada urria a un mozu con traces asiátiques y empieza a da-y puñaes, hasta qu’otros pasaxeros llogren separar al agresor de la víctima, que sale del convói na siguiente estación.
Pela so parte, Transports Metropolitans de Barcelona (TMB) afirmó a Europa Press que los axentes de seguridá de les estaciones nun recibieron nenguna denuncia de los fechos. Los Mossos d’Esquadra esplicaron que tán faciendo les xestiones pertinentes pa identificar tanto a la víctima como al agresor.
La empresa yá se punxo en contactu colos Mossos d’Esquadra y fízo-yos llegar les imaxes de les cámares de seguridá del Metru pa que la policía catalana investigue al respecto.
