Xixón va acoyer esti domingu a les 12.00 hores una concentración sol lema ‘Llibertá p’Andrés Bódalo’. La movilización foi convocada poles el colectivu 22M Marches de la Dignidá. ‘Pola amnistía social’ y ‘Basta de represión’ van ser lemas de la concentración, que va tener llugar nel Paséu de Begoña.
Andrés Bódalo, miembru del Sindicatu Andaluz de Trabayadores (SAT) y conceyal de Xaén de mancomún, ta en prisión en siendo condergáu por afrellar a un conceyal socialista del Conceyu de Jódar nel marcu d’una protesta de xornaleros.
La concentración va cuntar col sofitu de miembros de la corporación municipal, como les conceyales de Xixón Sí Puede (marca local de Podemos) Verónica Rodríguez Fernández y Nuria Rodríguez.
«Esti gobiernu llevó a la so máxima espresión la mano de fierro contra’l débil y el guante de seda contra los privilexaos, intentando amedranar a los primeres, y regulando pa dexar impunes los delitos de los segundos», llamentaron dende Xixón Sí Puede al traviés d’una nota de prensa.
