La Ciudá Tecnolóxica Valnalón, dependiente de la Conseyería d’Empléu, Industria y Turismu, va ampliar l’edificiu de Los Relóes, en Llangréu, p’allugar hasta 120 nuevos puestos de trabayu.
Según informó l’Executivu al traviés d’una nota de prensa, el conseyu d’alministración de la entidá pública axudicó esti vienres la rehabilitación del antiguu taller eléctricu de Duro Felguera a El Tayu Inglés por 600.613 euros y un plazu d’execución de cuatro meses.
La obra va dexar ampliar la superficie del edificiu en 920 metros cuadraos, hasta algamar los 2.475, según allugar hasta 306 puestos de trabayu.
El director xeneral d’Innovación y Emprendimiento, Francisco Delgado, manifestó qu’esta actuación va suponer l’afitamientu del polu d’empreses de les tecnoloxíes de la información y les comunicaciones surdíes en redol Valnalón.
En concretu, el sector TIC yá emplega a 940 persones na Ciudá Tecnolóxica. L’espaciu Valnalón (Nalón y Caudal) cuenta con 83 empreses y organismos que xeneren empléu pa 1.584 persones.
