L’Auditoriu Príncipe Felipe d’Uviéu va acoyer el martes la 22 edición de la Conferencia Internacional d’Estadística Computacional, un eventu nel que se van dar cita 400 congresistes de 30 países distintos.
Según indica’l Consistoriu uvieín nel so portal web, l’eventu foi promovido dende la sección europea de la IASC (International Association Statistical Computing), y entamáu dende la Universidá d’Uviéu pola catedrática Ana Colubi.
La conferencia va enllargar hasta’l vienres y va estendese con un cursu y un workshop de sábadu y domingu nel que ta prevista la participación d’un centenar de profesionales. En paralelu al programa científicu, los congresistes van tener un programa social nel que s’inclúi una visita empuesta a la ciudá y l’asistencia al conciertu que van ufiertar conjuntamente la Orquesta Sinfónica del Principáu d’Asturies y Uviéu Filarmonía el miércoles día 24.
