El 74% de los estudiantes asturianos d’Educación Secundaria Obligatoria (ESO) y Bachilleratu allega a centros públicos. Asina lo sorrayó güei el conseyeru d’Educación y Cultura, Genaro Alonso, mientres la inauguración del cursu pa esti alumnáu. L’actu celebróse nel IES de Pravia.
Esti cursu hai 29.860 alumnos matriculaos na ESO y 9.108 en Bachilleratu, lo que supon un total de 38.968 estudiantes, 110 menos que’l cursu pasáu.
Los centros públicos suman 20.017 alumnos na ESO (10.406 varones y 9.611 muyeres) y 8.831 en Bachilleratu (4.240 varones y 4.591 muyeres).
Pela so parte, nos privaos-alcordaos inscribiéronse na ESO 9.843 (4.978 alumnos y 4.865 alumnes) y 277 en Bachilleratu (129 homes y 148 muyeres).
El cursu pasáu (2015-2016) matriculáronse 30.004 estudiantes na ESO y 9.074 en Bachilleratu, lo que supunxo un total de 39.078.
