L’Executivu d’Asturies dio lluz verde a la concesión de 172.000 euros en subvenciones del tique del autónomu, aprobaes na primer comisión de valoración celebrada dientro de la convocatoria d’esti exerciciu. En total, ta previstu qu’anguaño se concedan ayudes per valor de 2,3 millones d’euros.
El tique del autónomu constitúi una de les iniciatives coles que’l Gobiernu asturianu, al traviés de la Conseyería d’Empléu, Industria y Turismu, sofita a el trabayadores autónomos ya impulsa la cultura entamadora. L’importe de les ayudes individuales ye de 4.000 euros, siempres que’l solicitante xustifique una inversión previa n’inmovilizáu material de 5.000 euros. En total, les subvenciones aprobaes güei van beneficiar a 43 persones.
Una de les novedaes de la convocatoria actual ye que, amás de les persones incluyíes nel réxime especial de trabayadores autónomos (RETA), pueden solicitar la subvención tamién quien se dieren d’alta en réximes especiales por cuenta propia o les mutualidaes correspondientes.
Pudieron optar a estes ayudes los siguientes colectivos:
• Trabayadores que causaren alta en RETA, réxime especial por cuenta propia o mutualidá correspondiente ente’l 1 d’ochobre de 2014 y 31 de xineru de 2015 y provinieren d’una situación de paraos demandantes d’empléu inscritos como tales nel Serviciu Públicu d’Empléu que’l so centro de trabayu y casa fiscal tean allugaos nel Principáu.
• Trabayadores autónomos que cursaron alta nel RETA ente’l 1/10/2013 y 30/09/2014 y que les sos solicitúes fueron refugaes n’allegando a la convocatoria de 2014 por falta de creitu en dichu exerciciu.
