Esti fin de selmana celébrose el procesu d’elección del secretariu xeneral de Podemos n’Asturies, Daniel Ripa foi’l más votáu con un 68,49 % de los votos, el candidatu de Somos Asturies yá tien vía llibre pa presentar a los ciudadanos cuálos van ser les sos propuestes y programa, daqué qu’entá desconoz la gran mayoría de el electores.
Daniel Ripa foi escoyíu secretariu xeneral de Podemos Asturies con 3.395 votos y un 68,49% de los sofitos, cabo señalar que se trata de la tercer candidatura col sofitu más ampliu de too el país y la participación n’Asturies, con 5.610 persones y un 48,8%, ye la cuarta, quince punto percima de la media estatal.
Daniel Ripa foi escoyíu secretariu xeneral de Podemos Asturies con 3.395 votos y un 68,49% de los sofitos.
Ripa de 33 años va ser d’esta miente la cabeza visible d’un movimientu que pretende gobernar Asturies, llicenciáu en Psicoloxía y Ciencies del Trabayu pola Universidá d’Uviéu y espertu en Polítiques d’Inclusión Social pola UNED, Participó nel Equipu Técnicu de PODEMOS preparando l’Asamblea Ciudadana Sí Se Puede, onde presentó la propuesta Podemos Participar Más.
Tamién foi impulsor del Observatoriu Ciudadanu Anticorrupción (OCAN) y del proyectu Somos Asturies. Collabora como reporteru o articulista na revista Atlántica XXII y el periódicu Diagonal Asturies, de los que forma parte del so comité editorial, y nos periódicos El Fielatu y Diagonal, nos que realizó más d’una trentena de reportaxes sobre corrupción y analís políticu.
Somos Asturies preséntase ante los ciudadanos como un partíu que quier poner les instituciones al serviciu de la xente “Tomamos tan en serio los nuesos suaños que yá empiecen a ser realidá; en cada barriu, en cada pueblu, en cada ciudá. Güei empiecen a tomar cuerpu, mañana yá van ser un fechu. Yá pueden dir preparando les maletes, pueden dir borrando los discos duros que delaten el so mal gobiernu. El tiempu pon a cada unu nel so llugar, y el llugar de los asturianos y les asturianes ye tar al mandu de la nuesa tierra” afirmen na so web.
Nestos momentos delles encuestes embaraxen la posibilidá de que Ripa y los suyos puedan ser la tercer fuerza nel parlamentu, otres danlos como segunda opción, la respuesta dar les urnes.
Somos Asturies empieza la conquista del Principáu.
Siguiremos informándovos.
Semeya y video : somosasturies.info
