(EUROPA PRESS) La Policía Nacional detuvo a seis persones acusaes de resistencia y desobediencia mientres intentaben paralizar un desahuciu na cai Carabelos, númberu 55, nel distritu d’Usera, qu’afecta a una familia con trés neños –el más pequenu namás tien 20 díes–, según informaron a Europa Press fontes de la Xefatura Superior de Policía de Madrid y de la Plataforma d’Afectaos pola Hipoteca (PAH).
Según fontes policiales, al paecer, ún de los deteníos salgó la llenda policial pa tentar de quitar la pistola a ún de los axentes. El restu intentaba evitar que’l secretariu xudicial llevara a cabu’l desahuciu. A tolos deteníos treslladáronlos a la comisaría d’Usera pa toma-yos declaración.
La Policía tamién identificó a parte de los asistentes, ente los taben la muyer y la fía de Jorge Verstringe, exsecretariu xeneral d’Alianza Popular y profesor de Política na Universidá Complutense de Madrid, que va una selmana tamién resultló deteníu nel marcu d’una protesta a favor d’un referéndum sobre República o Monarquía, coincidiendo col actu de proclamación de Felipe VI.
Ún de los abogaos de la Plataforma d’Afectaos pola Hipoteca (PAH) presente nel desahuciu, Manuel San Pastor, esplicó a Europa Press que los afectaos son una familia colos padres en paru y que tienen trés menores. Los mayores tienen 7 y 8 años, y el más pequeñu nun llega al mes de vida. Amás, la muyer carez d’obesidá mórbida.
Según el lletráu, los axentes de la Unidá d’Intervención Policial (UIP) «cargaron» contra los asistentes al desahuciu, que pretendíen paralizalu y que taben atrabancando la entrada de los axentes, qu’a lo último pudieron cambiar la pesllera.
San Pastor aseguró que la Plataforma d’Afectaos intentó reunise col bancu implicáu nel desahuciu, «que se negó aceptar los pidimientos de la familia». Amás, denunció «la violencia estrema» qu’hubo y que dexó «firíos». Un voceru d’Emerxencies de Madrid informó a Europa Press que’l Samur atendió a cinco policíes nacionales y dos civiles, toos por firíes leves.
Sobre’l futuru de la familia, l’abogáu de la Plataforma aseguró que-y van a buscar una vivienda pa que puean refacer la so vida y alvirtió que «con cada desahuciu que se produza, va buscase una vivienda «vacía» pa ubicar a los afectaos.
