El Gobiernu del Principáu y el productores asturianos estudiaron güei la posible meyora de les redes de comercialización de los productos agroalimentarios nel contestu européu, mientres la xunta celebrada n’Uviéu pola conseyera de Agroganadería y Recursos Autóctonos, María Jesús Álvarez; el responsable de Relaciones Multillaterales y Calidá de Productos de la Dirección Xeneral d’Agricultura de la Comisión Europea, l’asturianu Diego Canga, y el presidentes de los conseyos reguladores d’Asturies.
Pa Álvarez, el verdaderu retu ye la comercialización de los productos agroalimentarios y “anque ye un problema que tenemos identificáu, tenemos que pasar de tenelo identificáu a atopar llínees de trabayu”. Na sesión de trabayu, tamién se dio a conocer al responsable de la CE “lo que somos, lo que faemos, les nueses dificultaes, y los nuesos problemes”, yá que, como destacó la conseyera, “Bruxeles dacuando paez que ta bien llueñe, pero cuando quien ta ellí quier poner cara a l’actividá que se fai yá ye un pasu bien importante”. Y añedió: “que tengamos una cara amiga en Bruxeles siempres vien perbién”.
Diego Canga visitó mientres la so estancia n’Asturies dalgunes de les empreses agroalimentarias más importantes de la comunidá.
