El complexu municipal ‘As Quintes’ n’A Caridá (El Franco) acoyer esti sábadu l’I Alcuentru Social sobre’l Mediu Rural n’Europa impulsáu por Podemos Asturies y el grupu parlamentariu européu GUE/NGL. El lema va ser ‘Los nuesos montes, el nuesu futuru’ y la xornada va cuntar con distintos talleres y meses redondes, tou abiertu al públicu.
La iniciativa foi presentada n’Uviéu esti xueves polos diputaos rexonales de Podemos Paula Valero y Andrés Vilanova, amás del responsable de mediu rural nel Conseyu Ciudadanu Autonómicu de Podemos Asturies, David González.
Vilanova refirióse a la folada de quemes forestales que sufrió Asturies nel mes d’avientu, en que que «la falta de previsión y la respuesta dubiosa de les instituciones públiques oldeó cola rápida reacción, arrogante y solidaria, de la población local».
Según el diputáu rexonal, el campu asturiano ta en «situación d’abandonu» con una «desinversión crónica» per parte de los executivos rexonales. Valero, pela so parte, llamentó que los montes tean «esbardiaos» y que la política forestal d’Asturies sía «errática».
La xornada d’esti sábadu escuerre axuntar a profesionales y espertos pa encetar un alderique sele» alrodiu de la política forestal nel marcu de la política agraria común, de la xestión del monte o de les estratexes de prevención de quemes.
González señaló que se trata de dar voz a los profesionales y a les persones que vivan nel campu, p’articular soluciones pa llevales a les instituciones. Ye esi, aportunó, el sentíu de Podemos, el de convertise en «ferramienta» de la xente.
Na presentación de les xornaes, el sábadu a les 10.00 hores van intervenir, ente otros, el voceru de Podemos n’Asturies, Emilio Llión y l’eurodiputada asturiana Estefanía Torres, amás del voceru del Conseyu Rural Estatal de Podemos, Ariel Xerez.
