(EUROPA PRESS) Los xefes d’Estáu y de Gobiernu de la Unión Europea dieron a Rusia un ultimátum hasta’l 30 de xunu pa dar unos pasos concretos o de lo contrario van poder adoptar «si fai falta, decisiones necesaries», abriendo la puerta a sanciones significatives».
Antes del 30 de xunu, los líderes esperen que Rusia «acuerde un mecanismu de verificación, supervisáu por OSCE, del acuerdu del altu’l fueu y pal control efectivu de la frontera»; que «devuelvan a les autoridaes ucranianes los trés pasos fronterizos ucranianos» d’Izvarino, Dolzhanskiy, Krasnopartizansk, la lliberación de los rehenes, incluyíos tolos observadores de la OSCE y el «llanzamientu de negociaciones sustanciales» p’aplicar el plan de paz del presidente ucranianu, Petro Poroshenko.
«El Conseyu va evaluar la situación y, si se requier, van adoptar les decisiones necesaries. El Conseyu Européu sorraya’l so compromisu de reunise en cualquier momentu pa más midíes restrictives significatives», alvierten na declaración qu’adoptaron sobre Ucrania tres debatir la situación nel país con Poroshenko.
Los líderes europeos recordaron que la Comisión Europea, el Serviciu Européu d’Acción Esterior y los Estaos miembros tuvieron llevando a cabu’l trabayu preparatoriu sobre «midíes orientaes a dar pasos sin retrasos».
