La compañía eléctrica EDP y l’Aeropuertu d’Asturies realizaron esti martes un simulacro conxuntu d’actuación pa la estinción d’una quema na instalación qu’esta compañía tien nel aeropuertu.
La simulación empezó a les 10.30 hores de la mañana cuando la estación acoyó la simulación d’una quema nel centru de repartida principal que la compañía tien nel aeródromu. Tres l’avisu de l’alerta de fumu, una dotación del Serviciu de Bomberos allegó al llugar y confirmó la presencia d’una fumareda y los signos evidentes d’una posible quema eléctrica.
Ante esta situación, y siguiendo los protocolos establecíos, el puestu de mandu avanzáu del aeropuertu decidió aplicar les midíes empuestes a la contención d’una quema nel interior d’esti centru.
Pa ello estableció un perímetru de seguridá alredor de la instalación y diose avisu al 112-Asturies por que estos avisaren a la empresa suministradora sobre lo que taba socediendo. Darréu, una dotación de EDP allegó al llugar y confirmó que la zona yera segura. A partir d’esti momentu aplicáronse los medios d’estinción nel interior de la instalación.
