La Comisión de Sanidá, axuntada esti llunes na Xunta Xeneral del Principáu d’Asturies, aprobó una Proposición Non de Llei pola que se va reforzar el sistema de salú pública asturianu. Colos votos favorables d’IX, Ciudadanos, PP, Podemos y PSOE, salió alantre la propuesta que va dexar integrar la salú pública nel Sistema de Salú del Principáu d’Asturies (Sespa).
La diputada de IU Marta Pulgar foi la encargada de defender la iniciativa en see parlamentaria, afirmando qu’anguaño los responsables de la Sanidá n’Asturies cadecen de «falta de lideralgu» y amuesen «falta de compromisu» cola salú pública al tener una «mínima» asignación de recursos y realizar polítiques concretes ensin continuidá nel tiempu.
Según Pulgar, l’actual situación podría invertise col impulsu d’un nuevu modelu organizativo que dote a una nueva dirección específica de salú pública de les competencies fayadices» por qu’actúe sobre factores estructurales tales como l’avieyamientu de la población, les desigualdaes, la influencia negativa de la redolada sobre la salú, o los problemes medioambientales.
