L’Hospital Universitariu Central d’Asturies (HUCA) y l’Hospital de Cabueñes entamen dos tales xornaes de puertes abiertes coles mires de dar a conocer les sos instalaciones a los médicos residentes, que tendrán d’escoyer centru llueu. En total, Asturies ufierta 173 places pa residentes na convocatoria d’anguaño ente atención primaria y hospitalaria, 18 d’elles en Cabueñes y 63 nel HUCA.
Nel Hospital de Cabueñes esta xornada celebrará mañana y nel HUCA va desenvolvese’l próximu vienres, día 8 d’abril. En dambos casos ríquese una inscripción previa na comisión de docencia de dambos centros. Les persones comenenciudes pueden aportar a la información completa na web de la Conseyería de Sanidá: www.astursalud.es
L’oxetivu de la iniciativa ye dar a conocer les unidaes docentes y los servicios qu’ufierten places pa residentes, según sopelexar la so actividá asistencial, docente ya investigadora ente los posibles aspirantes.
va ufiertase información non yá alrodiu de los servicios y especialidaes dependientes de dambos hospitales, sinón tamién sobre les demás de les sos respectives árees sanitaries. D’esta miente, les unidaes d’Atención Familiar y Comuñal, Salú Mental, Matrones, Medicina del Trabayu y Xeriatría tamién van tener el so correspondiente llugar nes xornaes.
