El centru cultural Casa de los Hevia acueye la esposición ‘La Ciudad herida’ del artista maliayés yá fináu José Luis Posada(Villaviciosa, Asturies, 1929 – San Antonio de los Baños, Cuba, 2002) hasta’l próximu 6 de marzu.
La entrada ye llibre y l’amuesa axunta per primer vegada un conxuntu de catorce obres, procedentes del prestixosu Centru Cultural Koldo Mitxelena de la Diputación Foral de Guipúzcoa. Son el xerme del postreru y ambiciosu proyectu del pintor maliayés, que taba entamando la mentada institución, cuando se produció’l so fallecimientu.
La esposición pudo trate nel Muséu Evaristo Valle en Xixón hasta’l pasáu’l mes de xineru. La so instalación en Villaviciosa ye frutu de la collaboración ente’l Conceyu de Villaviciosa y la Fundación Muséu Evaristo Valle.
