La Conseyería de Facienda y Sector Públicu empecipió les obres de meyora de la rede d’agua qu’abastez a dellos núcleos del conceyu de Riosa, principalmente al de La Ará, onde moren más de 800 persones. Los trabayos, que cunten con un presupuestu de 35.099 euros, van enllargar mientres un mes.
L’actuación consiste na sustitución d’un tramu de más d’un kilómetru de la tubería de la rede que, por cuenta de la so antigüedá, d’unos 60 años, ta bien deteriorada y precisa d’un arreglu completu. El tramu afectáu escurre ente los núcleos de Les Gateres y Purció.
