La Biblioteca de La Granxa de la Rede de Biblioteques del Conceyu d’Uviéu entamó pa esti sábadu’l VI Alcuentru Hip-Hop Lliterariu. Esta actividá tien como oxetivu incentivar la creación y espresión lliteraria nos mozos al utilizar la lliteratura como inspiración pa la composición d’una tema Rap.
Según informó’l Conceyu nuna nota de prensa, la xornada va tar llena d’actividaes d’ociu, con demostraciones de graffiti, break dancie y actuaciones musicales. Amás, va apurrise’l premiu del VI concursu Hip Hop lliterariu a una de les lletres de cantares compuesta polos participantes y rellacionaes cola lliteratura.
La tarde va tar amenizada poles actuaciones de Break Dancie con un espaciu habilitáu d’usu llibre pa los asistentes al alcuentru a partir de les 17.00 hores. Una hora dempués, va tener llugar la entrega del Premiu del VI Concursu lliterariu a la lletra escoyida pol xuráu cola actuación de Seimuk «La otra lliga» y micro llibre de cantantes. Va Haber un primer premiu consistente nun cheque regalo de 250 euros pa la primer lletra clasificada, la segunda va llograr un cheque de 100 euros y la tercera de 50 euros.
