(EUROPA PRESS) El presidente del Parlamentu ucranianu, Oleksander Turchinov, anunció esti vienres que les Fuerces Armaes ucranianes llograron facese col plenu control de los puestos fronterizos que taben en manes de separatistes prorrusos na frontera este con Rusia.
«El Ministeriu de Defensa informa de que les nueses Fuerces Armaes llegaron a la población d’Izvarine, na rexón de Lugansk, y, poro, completóse la operación pa «zarrar la frontera», esplicó nuna sesión parlamentaria, según informa Interfax Ucrania.
El voceru de la Dirección de Fronteres del FSB rusu nes rexones del Belgorod y Voronezh (fronterices con Ucrania), Dimitri Zhukov, indicó a l’axencia Itar-Tass que los guardies fronterizos ucranianos decidieron unillateralmente torgar la entrada de residentes rusos a Ucrania al traviés del pasu fronterizu de Shchepkino, en Belgorod.
