Iniciativa Pol Asturianu quier animar a usar el asturino (o’l gallego-asturianu en suzona) nel so xuramentu o promesa de los 942 conceyales y 78 alcaldes y alcaldeses que van tomar posesión de los sos cargos esti sábadu 13. Asina, prpone a los partíos dos fórmules de xuramentu o promesa, una pal cargu de conceyal y otra pal cargu d’alcalde.
Nuna nota prensa, Iniciativa informó que «esti xestu simbólicu ye una bona forma d’empezar los mandatos de les corporaciones teniendo presente la llingua propia de Asturies». «En numberoses causes conceyales y diputaos asturianos, ya inclusive anguaño una eurodiputada, xuraron o prometieron el so cargu n’asturianu. Anguaño, y agora que’l compromisu cola oficialidá del asturianu tien más sofitu políticu esplícitu que nunca nes instituciones, ye un bon momentu pa poner en práctica una de les ferramientes más útiles y más sencielles pa da-y promoción al idioma, usar de forma normal ente los representantes públicos», añedió la organización.
Dende Iniciativa pol Asturianu ufierten ufierta «asesoramientu llingüísticu y animen a tolos conceyales y alcaldes comenenciudos en dar pasos a favor de la normalización a ponese en contactu con nós el corréu contautuiniciativapolasturianu.org o bien nes redes sociales de la organización en Facebook y Twitter».
El testu de xuramentu y promesa pa conceyales ye’l siguiente:
a.Xuramentu. «Xuro, pola mio concencia y honor, cumplir con fidelidá -yos obligaciones del cargu de conceyal con llealtá al Rei, y curiar y facer curiar la Constitución como Norma Fundamental del Estáu».
b.Promesa. «Prometo, pola mio concencia y honor, cumplir con fidelidá -yos obligaciones del cargu de conceyal con llealtá al Rei, y curiar y facer curiar la Constitución como Norma Fundamental del Estáu».
El testu de xuramentu o promesa p’alcaldes y alcaldeses ye’l siguiente:
«Xuro o prometo cumplir con fidelidá -yos obligaciones del cargu d’Alcalde/esa Presidente/a del Escelentísimu Conceyu de _______ con llealtá al Rei, y curiar y facer curiar la Constitución como Norma Fundamental del Estáu».
