La organización Iniciativa pol Asturiana estima que siquier se producirán xuramentos o promeses de cargu en llingua asturiana en siquier 12 conceyos asturianos, de los qu’a lo menos unu podría ser alcalde (en Bimenes).
Son les previsiones coles qu’anguaño cunta esti colectivu, qu’esta mesma selmana unvió una carta a los distintos partíos políticos con cargos electos nos distintos muncipios, proponiendo una fórmula pal xuramentu o promesa de cargu en llingua asturiana, tantu nel formatu de conceyal, como nel d’alcalde.
Hasta’l momentu, l’asociación confirmó o tien constancia de la intención de faer en Villaviciosa (la concejala de Foro Asturies yá lo anunció públicamente), en Llanera, Rivera de riba, Xixón (dellos conceyales de Foru), Uviéu (siquier un conceyal del PSOE), Bimenes (conceyales de la PAS y Xente Yerbatu), Noreña (conceyales de Conceyu Abiertu y Foru), Ribesella (siquier un conceyal de Pueblu), L.lena (siquier el conceyal de Compromisu Por L.lena), Siero (esperen que lo faiga un conceyal d’IX) y Mieres (un conceyal d’IX).
