Iniciativa pol Asturianu anima a los centros asturianos y cases d’Asturies partíos por tol mundu a celebrar el Día d’Asturies’ usando la ‘llingua’ del país.
Al traviés d’una carta, el vocal d’Asturies Esterior, Pablo Pládanu, convida a la diáspora a incluyir l’idioma nos sos actos festivos por cuenta de esti día. «L’asturianu ye un patrimoniu d’Asturies del que los Centros Asturianos tenemos el deber de protexer como una más de -yos nueses ayalgues», señala.
L’asociación ufierta a los centros asturianos y cases d’Asturies la so collaboración desinteresada na traducción al asturianu de cualquier testu o documentu, según pal so diseñu. Una ayuda que puede solicitase al traviés del corréu electrónicu contautuiniciativapolasturianu.org. «Qué meyor homenaxe podemos facer a la nuesa tierra qu’utilizar la so llingua nel so día», apunta Pládanu na so misiva.
La organización convida tamién a los centros asturianos a promover l’usu de la llingua ente la diáspora con un cartelu diseñáu especialmente pa la ocasión que defende l’asturianu como «un patrimoniu de nós».
Iniciativa pol Asturianu quier aprovechar la ocasión pa deseyar a tolos asturianos del esterior un feliz Día d’Asturies n’asturianu
