L’Asociación de Vixilantes de Seguridá Privada d’Asturies (Avispa) denunció esti sábadu la fuga d’unu de los internos del Centru de Menores de Sograndio. Entá esti sábadu desconoz el paradoriu del menor.
Según indica l’Asociación nuna nota de prensa, l’internu fugó esti vienres sobre les 13.00 hores saltando la valla perimetral de la cortil. Otru de los internos que-y acompañaba intentu tamién dase a la fuga, pero foi interceptáu por un vixilante de seguridá.
Los fechos asocedieron cuando se procedía al treslláu de los internos dende’l taller de mecánica a una de les habitaciones del primer pisu, onde s’atopen agospiaos en réxime zarráu» aquellos menores que cumplen les condenes más llargues pola comisión de fechos delictivos graves.
Dende Avispa han denunnciado la desdexosa xestión» de la dirección del centru y de la xefa de seguridá de Alcor, Belén Carballo. D’ellos dixeron que son «incapaces d’evitar les graves irregularidaes» qu’asoceden dende va dos años, «col preste de la Conseyería de Presidencia».
