La Conseyería d’Infraestructures, Ordenación del Territoriu y Mediu Ambiente sacó a llicitación el contratu de les obres d’arreglu de la carretera AS-326, Tabaza–Tremañes, nos conceyos de Carreño y Xixón, con un presupuestu de 349.908 euros y un plazu d’execución de dos meses. El Boletín Oficial del Principáu d’Asturies (BOPA) publica güei l’anunciu.
L’AS-326 tien un llargor de 12,5 kilómetros y un anchor medio de calzada de 6,50 a 7 metros, y ye la principal vía d’accesu a la factoría de Veriña y al núcleu de población de Serín. El so pavimentu presenta una serie de defectos qu’amenorguen les condiciones de seguridá, amenorguen la durabilidad de la infraestructura y mengüen la comodidá pa los usuarios. Tamién cunta con zones descarnaes y baches pola acción del tráficu y la escorrentía superficial.
La intervención prevista pola Conseyería d’Infraestructures consiste na rehabilitación superficial del firme, qu’inclúi la regularización de la rasante y l’estensión d’una capa de rodadura d’ente cuatro y seis centímetro d’espesura. van executase tamién aquelles actuaciones que garanticen la fayadiza evacuación de les agües de la calzada y va instalase una barrera metálica de seguridá.
