El Preséu de Xestión Integráu (IGI) del Parque Natural de Somiedu recibió esta tarde’l vistu bonu de la xunta y la comisión rectores de la redolada, según del Foru de Participación Social de la Reserva de la Biosfera, nes xuntes presidíes pola conseyera de Agroganadería y Recursos Autóctonos, María Jesús Álvarez, en Pola de Somiedu.
La conseyera destacó que’l documentu incorpora allegamientos presentaos nel procesu d’información pública polos colectivu afectaos y ameyora la redacción del testu cola aportación de les suxerencies recoyíes nel períodu de participación pública. Según recordó, l’oxetivu del nuevu plan de protección ye caltener los recursos naturales y favorecer les actividaes tradicionales amestaes al sector primariu.
Nel nuevu testu aprobáu güei déxase la instalación d’invernaderos de calter non comercial en zones d’usu xeneral, amás d’incorporar una nueva zona osera d’usu acutáu especial en Valdecuélebre y del conceutu de puntos d’observación de fauna y paisaxe en distintos llugares del conceyu.
Coles mesmes, el documentu autoriza l’apertura de nueves pistes; l’ampliación de carreteres; les roces de superficies mayores de diez hectárees; les quemes controlaes,;la meyora y arreglu de cortes; l’aprovechamientu de camperes, y les roces agrícola y forestal, según el caltenimientu, caltenimientu y arreglu de les infraestructures ganaderes (mangues, bebederos o fontes). Tamién ye llibre l’usu de tola rede de caminos, senderos y rutes del parque a cuerpu o per medios non motorizados y toles carreteres per medios motorizados.
La conseyera de Agroganadería anunció qu’el IGI del Parque Natural de Somiedu, como tolos Preseos de Xestión Integraos del restu d’espacios naturales, va pasar agora al trámite d’audiencia pública a los afectaos, antes de la so aprobación definitiva pol Conseyu de Gobiernu.
