La Conseyería d’Infraestructures, Ordenación del Territoriu y Mediu Ambiente licitará nos próximos díes les obres de saneamientu d’El Campón, en Salinas (Castrillón), con un presupuestu de 444.727 euros y un plazu d’execución de 18 meses.
L’actuación va dexar dotar de saneamientu a la marxe derecha del río Raigaños, dende la cai de Nicanor Piñole hasta l’alliviaderu de Raigaños Nuevu, na zona conocida como El Campón, qu’escurre paralela a l’avenida del mesmu nome, recoyendo los distintos arramaos al ríu que se producen na actualidá.
Pa ello, va construyise un colector xeneral de 725 metros de llargor, paralelu al río Raigaños, al que se van conectar dos secundarios, sumando un total de 1.060 metros de tubería.
L’actuación, qu’inclúi la reposición de tolos terrenes, pavimentos y servicios de la zona afectada, va recoyer los arramaos xeneraos por unos 1.200 habitantes.
