(EUROPA PRESS) La Seguridá Social destinó nel presente mes de xunu un total de 8.002,7 millones d’euros al pagu de les pensiones contributives, un 3,2% más que nel mesmu mes del 2013, según datos publicaos esti xueves pol Ministeriu d’Empléu y Seguridá Social.
Ye la primer vez na historia del sistema na que la nómina mensual de les pensiones contributives supera la barrera de los 8.000 millones d’euros.
La pensión media de xubilación algamó a primeros del presente mes los 999,41 euros mensuales, lo que supón un 2% más respectu al mesmu mes del 2013.
Pela so parte, la pensión media del sistema, qu’inclúi les distintes clases de pensión (xubilación, incapacidá permanente, viudes, güérfanos y a favor de familiares), púnxose al entamar xunu en 870,75 euros mensuales, lo que supón un aumentu interañal del 1,7%.
En xunu, el númberu de pensiones contributives de la Seguridá Social marcó de nuevu cifra récor al quedar en 9.190.583, con un crecimientu del 1,5% sobre igual mes del 2013, y delles más de 5,55 millones yeren pensiones de xubilación.
