El Festival Internacional de Música Negra d’Avilés va cuntar con seis grupo procedentes d’Estaos Xuníos, Reinu Uníu, Francia y España. L’eventu, que va celebrar la so segunda edición los díes 12 y 13 d’agostu, va estrenar allugamientu na plaza de Carlos Lobo.
«Crez al respective de la edición del añu pasáu con dos jornada d’actuaciones, ameyora la calidá de les bandes participantes y estrena allugamientu, con mayor capacidá y más segura», indicó la conceyala de Festexos, Ana Hevia, na presentación del festival.
Los grupos participantes vienen de estilos como soul, rock, funk, blues, rhythm and blues y rock steady. Amás de los conciertos celebrará’l ‘Avilés Mardi Gras Parade’, una marcha de los integrantes de ‘The Broken Brothers Brass Band’ poles cais del cascu históricu de la ciudá p’arimar del auténticu espíritu de la música negra al públicu avilesín.
Esta marcha va rematar sobre l’escenariu de Carlos Lobo y va dar entamu a la segunda xornada del Festival. L’oxetivu ye que’l públicu interactúe y participe del auténticu sabor del Mardi Gras y de New Orleans. «Queremos qu’en toles places haya movimientu», indicó Hevia.
El conceyal de Promoción de la Ciudá, Manuel Riola, tamién presente na presentación indicó que con esti festival y próximos eventos a presentar busquen «convertilos en referentes del mes d’agostu y dir consolidando nueves actuaciones que nos dexen tener d’atracción pa la ciudá».
