El Conseyu de Gobiernu del Principáu aprobó güei, en cumplimientu de la Llei d’Estabilidá Presupuestaria y Sostenibilidá Financiera, la llende de gastu non financieru d’Asturies pal añu 2016, que xube a 3.613 millones d’euros.
Esta estimación de la llende de gastu ye la resultancia de sumar los ingresos non financieros, que xuben a 3.552 millones, y el déficit públicu máximu, que ye del 0,3% del PIB nominal previstu p’Asturies en 2016 y supon una cantidá de 69 millones , y aplicar los axustes de contabilidá nacional, que minoran la cantidá resultante n’ocho millones.
El techu de gastu aprobáu supon una medría de 37 millones (1%) con respectu al gastu non financieru de los Presupuestos de 2015.
