L’Arzobispu d’Uviéu, Jesús Sanz Montes, confirmó la reelección como deán del Cabildru de la Catedral al canónigu Benito Gallego Casáu. La designación, nuevamente por un períodu de cinco año, producióse tres la votación, que s’aprobara’l pasáu 28 de noviembre.
Gallego ye natural de Villamoratiel de Los Matos (Llión). Foi ordenáu sacerdote nel añu 1965, y exerció el ministeriu pastoral en diverses parroquies de la Babia lleonesa y Santa María del Pandorial. Nel añu 1975 llogró’l so doctoráu en Teoloxía pola Universidá de Navarra, y meses dempués, por oposición, la canonjía de Penitenciariu de la Catedral.
El 10 d’avientu de 2010, fiesta de Santolaya y patrona de la Diócesis, Gallego tomó posesión del so cargu, asocediendo al sacerdote Ángel Pandavenes Alonso, yá fináu, y qu’exerciera el deanato mientres seis año.
Los estatutos internos que regulen la vida del Cabildru d’Uviéu señalen que les funciones del deán son: l’entamar la vida pastoral de la Catedral, representar al Cabildru n’actos oficiales, coordinar los diversos oficios y comisiones capitulares, convocar y presidir les sesiones del Cabildru, asistir al Arzobispu nes celebraciones llitúrxiques y alzar al preláu les propuestes y suxerencies del Cabildru.
