El Parque de la Prehistoria de Teberga celebra’l primer cumpleaños del bisontín Ástur el próximu sábadu 16 de mayu con 12 families, una per cada mes de vida, que van participar nel programa d’actividaes pa cles prehistóriques» que’l Parque preparó con motivu del aniversariu de la nacencia del bisonte européu nel equipamientu tebergán.
La xornada d’actividaes pa les families inclúi una visita a la corralada, entrega a Ástur d’una tarta especial a base de mazanes y cenahories, talleres pa neños, una visita empuesta a la Galería y a la Cueva de Cueves y pa terminar una merienda prehistórica, detallaron dende’l parque tebergán.
El restu de visitantes que s’averen el sábadu al Parque van poder participar en distintes actividaes. Una visita llibre a la Galería y empuesta a la Cueva de Cueves a les 13.45 y 18:00 hores o optar por un percorríu empuestu a dambos espacios a les 17.00 hores. Tamién va haber un taller sobre pintura rupestre a les 17.15 hores.
Coles mesmes, mientres tol fin se selmana los visitantes van disponer de tolos materiales pa dexar la so felicitación o mensaxe pal bisonte Ástur nun panel habilitáu pa ello.
Ocho restaurantes de Teberga sumir a les celebraciones del cumpleaños cola ufierta d’un menú temáticu mientres la fin de selmana. A un preciu de 18 euros, los visitantes van poder disfrutarde una carta compuesta de ‘pote de gueta solutrense’, ‘pagu del cazador’ y ‘dulces magdalenienses y suaños chamánicos’.
DÍA DE LOS MUSEOS NEL PARQUE
El domingu 17 de mayu’l Parque celebra del Día de los Museos con un programa d’actividaes gratuites qu’inclúin percorríos empuestos a la Galería y a la Cueva de Cueves a les 12.30, 13.45, 17.00 y 18.00 hores. A les 12.30 hores, el públicu va poder visitar les corralaes de los caballos Przewalski y de los bisontes d’orixe européu
A lo último, celébrase ‘El taller del artista’, a les 13.00 y 17.15 hores, con places disponibles solo pa la primer sesión. Les actividaes del domingu son gratuites y les places son llindaes. Puede realizase inscripción previa en ‘reservasrecrea.asturias.es’ o nos teléfonos 985 185 860 ó 902 306 600. Los dos díes de la fin de selmana la entrada al parque va ser gratuita.
Menú especial en Teberga la fin de selmana Con motivu del primer cumpleaños del bisontín, ocho restaurantes teberganos prepararon un ensundiosu menú temáticu pal 16 y 17 de mayu. El menú, a un preciu de 18 euros, ta compuestu de «pote de gueta solutrense», «pagu del cazador» y «dulces magdalenienses y suaños chamánicos».
El Café de la Prehistoria tamién ufierta’l 16, 17 y 18 de mayu los sos «Menúes cueves», una alternativa a la cocina tradicional con pizzas, hamburgueses o platos combinaos.
