Los museos Belles Artes y Arqueolóxicu ufierten esti sábadu y domingu visites empuestes en llingua asturiana, dientro de la ufierta de programación cultural prevista pa la Selmana de les Lletres Asturianes.
Les visites nel Belles Artes van ser esti sábadu y les del Arquelógico van ser el domingu, ente les 12.00 y les 14.00 hores. Los asistentes tienen de realizar la reserva de plaza previa. El máximu de participantes ye de 25.
Amás, dientro tamién de la programación de la Selmana de les Lletres, esti sábadu, a partir 19.00 hores nel Auditoriu Félix Fernández d’A Veiga, va tener llugar el ‘Homenaxe ás nosas lletres’, que va incluyir la presentación del llibru ‘Que nun se perda nel aire’, la llectura pública de testos lliterarios, y l’actuación del grupu del pop rock Bacotexo, que canta en ‘fala’.
